Ibadah Natal 25 Desember 2020 Pukul 13.30

BUKIT DATAR – KOTA – TELUK BAYUR – ANAK AIR

 

FANGOWAI BA FOGAONI

(Tedöni dorosi , möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi ba Mbongi Ni’amoni’ö)

FANGOWAI

Liturgos : Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba zi ma’ökhö andre. Ya’ahowu!

Jemaat : Ya’ahowu!

Liturgos : Ya faofao khömi Lowalangi!

Jemaat : Ya fao khöu Geheha-Nia!

Liturgos : Da ta’owuawua’ö dödöda we’amöi mangondrasi si tumbu andrö, data’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö numero 56 : 1 & 2 “TALAU MANUNÖ NIHA KERISO” <<<klik untuk mendengarkan lagu>>>

FANGA’ARO’Õ WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. 

"No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö..."

Jemaat : Yaduhu!

Liturgos : Tumbu dania khõda nono, tebe’e khõda nono matua; tebe’e ba galisi-Nia wamatõrõ ba tebe’e tõi-Nia Zahõlihõli dõdõ ba Samolala tõdõ ba Lowalangi sabõlõ, ba Ama zi lõ aetu ba Salawa wa’atulõ. (Yesaya 9:6). HALELUYA...

Jemaat : Manunö HALELUYA 

Liturgos : Mangandrö ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inõtõ we’aso-Mõ ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu! Mudadao zato...

FANUNU LILI

Liturgos : Iada’e tefalua wanunu lili, si no tandra wa’atohare haga ba gulidanö, ya’ia Yesu Keriso, sohagaini õsi gulidanö. Andrö möi föna fefu zi no mututuyu:

- Pdt. Augusman Zega S.Th
- SNK Ama Ori Lase
- SNK Ama Silvita Waruwu
- SNK Ama Festi Halawa
- SNK Ama Ovil Marunduri
- SNK Ama Efan Gulo
- SNK Ama Linda Waruwu
- SNK Ama Alex Ndruru
- SNK Ama Indah Harefa
- SNK Ama Vivin Waruwu
- SNK Ama Tita Gulo
- SNK Ama Wasi Zalukhu
- SNK Ama Prima Lase
- SNK Ama Yamin Lase
- SNK Ina Winda Gea
- SNK Ina Mira Gea
- SNK Ina Stevi Lombu
- SNK Ina Teti Zebua
- Ketua Komisi Perempuan

Pengkhotbah : I’otarai aekhu niha ba horö, no tobalu sogõmigõmi danõ ba si bongi zombalugõ soi niha . Ba hiza, börö wa’omasi Lowalangi, wa no möi ba khöda haga andrö, ya’ia Yesu Keriso. Imane Yesu: Ya’odo haga nõsi guli danõ andrõ. Solo’õ Ya’o, ba lõ mowaõwaõ ba zogõmigõmi, so sa’ae khõnia haga ba wa’auri andrõ. Yaduhu!

Jemaat : Manunö "BONGI NO" <<<klik untuk mendengarkan lagu>>>

Liturgos : Dumadao zato...

Manunö ita moroi ba Mbuku Zinunö numero 59 : 1 & 2 “DA TALAU MANUNÖ” <<<klik untuk mendengarkan lagu>>>

FOMBASO TAROMA LI LOWALANGI + WAÖWAÖ WA’ATUMBU YESU 

Liturgos : Ia da'e foombaso taroma Li Lowalangi nihalö moroi ba zura Sinunö 119 : 97 – 105, imane taroma Li Lowalangi

(97) Ha lõ omasido goroisamõ andrõ! Ma’õma’õkhõ lõ aefa ba dõdõgu.

(98) No õ’atuatua’õ ndra’odo, moroi ba zi fa’udu khõgu, oroisamõ andrõ, me no tána khõgu, irugi zi lõ aetu.

(99) Atuatua ndra’odo, moroi ba zamahaõ ya’o fefu; me ufatoutou tõdõgu wamaduhu’õmõ andrõ.

(100) Atuatua ndra’o, moroi ba zatua, me utõngõni goroisamõ andrõ.

(101) Lõ urai uhundragõ lala si lõ sõkhi, ena’õ u’o’õ limo andrõ.

(102) Lõ ubõhõli zatulõ andrõ khõu; me no õfahaõ ndra’odo.

(103) Wa’ami ba lelagu gamabu’ula limõ andrõ; ami moroi ba we wani ba mbawagu! 

(104) Fangatuatuagu goroisamõ andrõ; andrõ u’ogorofi fefu lala waya andrõ.

(105) Fandru fõna gahegu daroma limõ andrõ, ba haga ba lalagu. 

Tafatohu wombaso waöwaö wa’atumbu Yesu, manunö ita moroi ba BZ. Numero 54:1:"NO TUMBU KHÖDA YESU

(Moi föna zombaso waöwaö wa'atumbu Yesu) 

- SNK Ina Winda Gea [Luka 2 : 1-20]

- SNK Ina Teti Zebua [Luka 2 : 8-14]

- SNK Ama Festi Halawa [Luka 2 : 15-20]

(Na no awai wombaso, ba ifatohu wanguma’ö: "Si manö waöwaö wa’atumbu Yesu. Yaduhu!")

Jemaat : Manunö : BZ. Numero 54:2 "NO TUMBU KHÖDA YESU"

No fa’omasi Nama, wa möi Yesu khöda.

Ya dozi oi tatema, me lö baero-Nia.

Duhu, duhu, me lö baero-Nia. 

FANGANDRÖ FANGEFA HORÖ 

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato. Mangandrö ita, ta’andrö wangefa horöda khöLowalangi. 

"He Lowalangi sebuasi so ba zorugo yaẅa, aboto ba dödöma,wa no Öfatenge khöma Nono-U Yesu Keriso ba wangefa’ö horöma. Ma’andrö khö-U tologa, heta ba dödöma ngawalö zi lö sökhi, si no amaedola hili salaẅa, ba si no amaedola mbawa danö sabakha, ena’ö monahia ba dödöma Zangorifi andrö, ba wamahaö ya’aga wamalua somasi Ndra’ugö. Yaduhu!"

Jemaat : Manunö moroi ba Mbuku Zinunö numero 224 : 1"NA UBINI’Ö HORÖGU KHÖ YESU"

Liturgos : Turia Wangefa horö: “Böi mi’ata’ufi, hi za sa, uturiaigö khömi wa’omuso dodo sabölöbölö, sirugi niha fefu dania, me no tumbu khömi Zangorifi andrö bongi andre, Keriso So’aya, ba mbanua Dawido”. LAKHÖMI KHÖ LOWALANGI SI YAẄA ....

Jemaat : Manunö moroi ba BZ. Numero: 450. "BA FA’ATULÖ BA GULIDANÖ"

Liturgos : Mudadao zato!

Da tafondrondrongo daroma Li Lowalangi, tehalö moroi ba zura Tito 2 : 11-15

(11) Noa sa to’ele wa’ebua dõdõ Lowalangi andrõ, sangorifi niha fefu

(12) ifahaõ ita, ena’õ tabõhõli wa lõ ba dõdõda Lowalangi, awõ wangisõ andrõ, ba guli danõ, ba ena’õ satuatua ita, ba satulõ tõdõ, ba solo’õ li Lowalangi, ba gõtõ da’e ba guli danõ,

(13) sombalombaloi tõtõnafõ andrõ, sohahau dõdõ, ba fa’ato’ele lakhõmi Lowalangi sebua andrõ, sangorifi ya’ita, Keriso Yesu,

(14) si no mame’e ya’ia, salahida, ba wangefa’õ ya’ita, ba zi lõ atulõ fefu, ba ba wangehao ya’ita, banua khõnia, sowõlõ’õlõ ba mbuabua si sõkhi.

(15) Da’õ ombakha’õ, ba farou dõdõra, ba oigõ dõdõu wangotu’õ. Bõi yamu’ositengagõ ndra’ugõ niha, ha niha ia.

Ya’ahowu zamondrongo taroma li Lowalangi ba same’e ba dödö... (Luka 11:28)

Jemaat : Yaduhu!

FANGOWULOI FASÖMBATA 

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu ba Fasombata Ame’ela Bongi Ni’amoni’ö.

Ba si föföna ua da tafondrondrongo daroma Li Lowalangi me imane: "Ba möi yomo ndra Ere, ba hiza Nono awö nina-Nia, ba labalöduhini tou danö, mangalulu khö-Nia ba labokai naha gana’ara, mamuala ira khö-Nia, balaki ba kumöyö ba emuri." (fahela Matai’o 2:11).

Tafa’ema fasömbata khö Lowalangi, manunö ita moroi ba BZ. Numero 261. "YA’E ZUMANGE"

2. Ya’e zumange fasömbata ma be’e soroi ba dödöma.

3. Ya’e zumange fasömbata buala si’otarai Nama. 

4. Ya’e zumange fasömbata, boto, noso, ba fa’aurima.

5. Ya’e zumange fasömbata, lö irugi zomasi dödö-U.

6. Ya’e zumange fasömbata, ma’aohasi gölö Zo’aya. 

Da tafasao wasömbatada andre föna Lowalangi, musindro ita fefu....

FANGANDRÖ : (Fangandrõ nidönia’ö fasamösa zangowuloi fasömbata, aefada’õ ba lafa’ema ba danga zangai huhuo, itema’õ sangai huhuo awena itou’õ ba dete meza. Ba na so wasõmbata si sambua ni’ofulu, owasa wanaru ma owasa wamasi, ba itema’õ sangai huhuo si fao taroma Li Lowalangi si faudu ba wasõmbata ni’owuloi andrõ).

Mudadao zato...

Liturgos : Da tafa’anö dödöda wamondrondrongo taroma Li Lowalangi, manunö ita moroi ba Mbuku Zinunö numero 163 "UHONOGÖ SIBAI DÖDÖGU"

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita [tetohugö fangandrö famokai huhuo sebua]

[Fombaso taroma Li Lowalangi (molo’ö perikopen)

[Fanuriaigõ/Khotbah]

[Nitanö ba dödö]

[Fangandrö Fanga’aro’õ huhuo]

Jemaat : Manunö "NO MAFONDRONDRONGO LIU"

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso fõna Lowalangi, musindro ita fefu. Endronga lida: 

- Ya’o mamati khö Lowalangi Ama si lö ambö fa’abölö, somböi banua si yaẅa awö danö. 

- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. 

- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zi mate, ba fa’auri silöaetu. Yaduhu! Mudadao zato

Liturgos : Da tafondrondrongo wehede fanema’ö awö wokubaloi moroi khö BPHMS BNKP 

Liturgos : Manunö ita moroi ba BZ numero: 71 : 1 "TA’OMUSOI’Ö DÖDÖDA"<<<klik untuk mendengarkan lagu>>>

FANGANDRÖ SALAHI + FAMATENGE + HOWUHOWU

Pengkhotbah : Muzizio ita fefu, mangandrö ita: ..... (tetohugö): Ba döi Zo’aya ya’aga Yesu Keriso, si no mamahaö ya’aga ba wangandrö mamane,

"He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu!"

Mi’angawuli si fao fa’ohahau dödö, ya tobali ami banua niha Keriso samaduhu’ö haga si no mitema ba wa’atumbu Zo’aya ya’ita Yesus Keriso, ba lala wa’aurimi sero ma’ökhö, ba mitema howuhowu moroi khö Lowalangi:

- Ya mufahowu’ö ami Lowalangi, ya murorogö ami

- Ya mufohaga mbawa-Nia khömi, ya mu’ebua’ö dödö-Nia khömi

- Ya mufalemba hörö-Nia khömi, Ya mube’e wa’ohahau dödö khömi fefu. Yaduhu! 

Jemaat : Manunö moroi ba BZ. Numero 68 : 1 “OI SOMUSO TÖDÖ ITA” <<<klik untuk mendengarkan lagu>>>

Pengkhotbah : Ya’ahowu Luo Wanörö Tödö Fa’atumbu Yesu ba Ya’ahowu wamaondragõ Dõfi Sibohou!

Jemaat : Ya’ahowu!

**** Ibadah Selesai ****